Continue on Our Mobile App

મળતી માહિતી મુજબ, આજે સવારે દૂધના ટેન્કરે એક્ટિવાને અડફેટે લેતાં એક્ટિવા પર સવાર બે વ્યક્તિના ઘટનાસ્થળે જ મોત નીપજ્યાં હતા. બંને વ્યક્તિ વરુણી ભરવા માટે ઘરેથી એક્ટિવા લઈને નીકળ્યા હતા. દરમિયાન કાંસા ચોકડી પાસે દૂધના ટેન્કર સાથે એક્ટિવાનો અકસ્માત થયો હતો.જેમાં ટેન્કરે 20 મિત્ર સુધી એક્ટિવા ચાલકોને ઘસેડયાં હતા. બન્ને ને સારવાર અર્થે હોસ્પિટલ ખસેડાયા હતા પણ હાજર તબીબે મૃત જાહેર કર્યા હતા અકસ્માતમાં મૃત્યુ પામનાર અશોકભાઈ નટવરલાલ ત્રિવેદી વિસનગરના શ્રી હરિ ડુપ્લેક્ષમાં રહેતા હતા અને મૂળ પાનસા-વિઠોડા ગામના વતની હતા.જ્યારે બીજા મૃતક નવીનભાઈ વ્યાસ વિસનગરની ગાયત્રી રોયલ્સમાં રહેતા હતા અને મૂળ દેણપ ગામના વતની હોવાનું જાણવા મળ્યું છે. અકસ્માતની જાણ થતાં આસપાસના લોકો મોટી સંખ્યામાં ઘટનાસ્થળે દોડી આવ્યા હતા. જનતામાં વહીવટીતંત્ર વિરુદ્ધ આક્રોશ જોવા મળી રહ્યો હતો..વહીવટીતંત્રની બેદરકારીને લીધે જ આ અકસ્માત થયો હોવાની ચર્ચાએ જોર પકડ્યું છે. પોલીસ પણ ઘટનાસ્થળે પહોંચી હતી અને આગળની કાર્યવાહી હાથ ધરી હતી.આ અકસ્માત કેવી રીતે સર્જાયો અને કોની બેદરકારી હતી તે અંગે પોલીસે તપાસ શરૂ કરી છે.